Kryeministri izraelit, Benjamin Netanyahu, miratoi një plan për marrjen nën kontroll të qytetit të Gazës, pas një mbledhjeje disa orëshe të kabinetit të sigurisë, të zhvilluar të premten në mëngjes në Jerusalem.

Sipas deklaratës nga zyra e tij, plani u miratua me shumicë votash dhe përfshin pesë parime kryesore për përfundimin e konfliktit:

Çarmatimi i Hamasit

Kthimi i të gjithë pengjeve – të gjallë ose të vdekur

Demilitarizimi i Rripit të Gazës

Kontrolli i sigurisë nga Izraeli mbi Rripin e Gazës

Krijimi i një qeverie civile alternative, e cila nuk është as Hamasi dhe as Autoriteti Palestinez

Në deklaratë theksohet se “Forcat e Mbrojtjes së Izraelit (IDF) do të përgatiten për marrjen nën kontroll të qytetit të Gazës, duke siguruar ndihmë humanitare për popullsinë civile jashtë zonave të konfliktit”, raporton BBC.

Zyra e Netanyahut shton se “një shumicë absolute e ministrave të kabinetit besuan se plani alternativ i paraqitur nuk do të arrinte të mposhte Hamasin apo të sigurojë kthimin e pengjeve”.